Настаўнік-дэфектолаг
Война Вольга Мікалаеўна
Некаторыя бацькі нават не ведаюць, для чаго патрэбен настаўнік-дэфектолаг ва ўстанове адукацыі. У шырокім разуменні дэфектолагам з'яўляецца спецыяліст, які займаецца вывучэннем, навучаннем, выхаваннем і сацыялізацыяй дзяцей, якія маюць адхіленні ў сваім развіцці.
У вузкім сэнсе дэфектолаг - гэта карэкцыйны педагог.
Настаўнік-дэфектолаг праводзіць падгрупавыя і індывідуальныя заняткі.
Кожны карэкцыйна-развіваючы занятак, які праводзіць настаўнік-дэфектолаг, уяўляе сабой цэлы комплекс пазнавальнай дзейнасці, развіцц маторыкі, маўлення.
Паводле статыстыкі ў кожнага другога дзіцяці назіраюцца парушэнні маўлення, многім дзецям складана справіцца з вымаўленнем новых гукаў. Таму асабліва важная своечасовая дапамога настаўніка-дэфектолага.
Аб развіцці маўлення свайго дзіцяці, асабліва дашкольнага ўзросту, бацькам трэба паклапаціцца загадзя. Натаўнік-дэфектолаг дапаможа вырашыць многія праблемы, звязаныя з вымаўленнем гукаў і выпраўленнем маўлення дзіцяці.
Карэкцыйныя заняткі настаўніка-дэфектолага накіраваны на:
- выпраўленне парушэнняў маўлення;
- развіццё не толькі правільнага, але і прыгожага маўлення;
- карэкцыю гукавымаўлення, агульнага і фанетыка-фанематычнага недаразвіцця маўлення;
- развіццё артыкуляцыйнай, дробнай і агульнай маторыкі.
Бацькам трэба памятаць, што вялікую частку часу дзіця праводзіць не ў дашкольнай установе адукацыі, а ў сям'і. Таму адны заняткі настаўніка- дэфектолага з дзіцём не дадуць такога выніку, які можна атрымаць пры працяглай і мэтанакіраванай працы спецыяліста сумесна з бацькамі.
Акрамя заняткаў з дзіцем настаўнік-дэфектолаг праводзіць кансультаванне бацькоў, падчас якога бацькі вучацца неабходным прыёмам навучання свайго дзіцяці.
Так што, дарагія бацькі, ведайце, што настаўнік-дэфектолаг можа зрабіць вельмі шмат для Вашага дзіцяці, але ён не зможа замяніць яму Вас у паўсядзённым жыцці.
Падзякай за Ваша цярпенне, клопат і любоў будзе шчаслівая ўсмешка Вашага дзіцяці!
Графік работы
|
№ п/п |
Дзень тыдня |
Час работы |
|
1 |
Панядзелак |
08.25-12.25 |
|
2 |
Аўторак |
08.25-12.25 |
|
3 |
Серада |
08.25-12.25 |
|
4 |
Чацвер |
08.25-12.25 |
|
5 |
Пятніца |
08.25-12.25 |
Кансультацыя
Аўторак, серада - 16.00-18.00