2024 год - год якасці

У рамках года якасці работнікі і вучні ўстановы далучыліся да рэспубліканскай акцыі "Адновім лясы разам" і ажыццявілі пасадку лесу.

Працавалі ўсе з вялікім энтузіязмам і ўпэўненасцю, што саджанцы прыжывуцца і дапамогуць захаваць нашу планету. Азеляненне нашай планеты - вельмі важная справа. Дрэва - сімвал свету, гэта напамін аб далікатнасці прыроды і неабходнасці яе абароны.
Галоўныя мэты акцыі - захаванне і прымнажэнне лясоў, прыцягненне ўвагі грамадскасці да вырашэння агульнадзяржаўных задач у сферы ўзмацнення экалагічнай, эканамічнай і сацыяльнай ролі лясоў.

15 сакавіка ў Рэспубліцы Беларусь адзначаецца Дзень Канстытуцыі. У 2024 годзе - годзе якасці - гэта дата ў нашай краіне мае асаблівую агалоску - 30-годдзе з дня прыняцця! Канстытуцыя Рэспублікі Беларусь прынята 15 сакавіка 1994 года і з`яўляецца першай у гісторыі суверэннай рэспублікі. Сёння ва ўстанове прайшло ўрачыстае мерапрыемства, прысвечанае 30-годдзю Канстытуцыі Рэспублікі Беларусь. Навучэнцы паўтарылі структуру Канстытуцыі, абмеркавалі асноўныя правы, свабоды і абавязкі грамадзян Рэспублікі Беларусь.

Рабяты адзначылі, што веданне Канстытуцыі з'яўляецца неабходным для кожнага грамадзяніна нашай краіны і выказалі гонар за сваю Радзіму.

У Дзень Канстытуцыі, 15 сакавіка, у нашай краіне праходзіць акцыя "Мы - грамадзяне Беларусі!". Намеснік дырэктара па выхаваўчай рабоце Нагорная Т.М. адзначыла важнасць разумення вучнямі, якія дасягнулі 14-годдзя і атрымалі пашпарт грамадзяніна Рэспублікі Беларусь, сваёй грамадзянскай адказнасці. Рабятам уручылі падарункавае выданне "Я - грамадзянін Рэспублікі Беларусь" ад імя Прэзідэнта краіны.

У цэнтры дадатковай адукацыі дзяцей і моладзі "ДАР" прайшоў раённы этап Рэспубліканскага конкурса "Я патрыёт сваёй краіны" ў рамках рэспубліканскага праекта "Цягнік Памяці". Удзельнікаў віталі Людміла Васільеўна Мароз, начальнік упраўлення адукацыі Навагрудскага райвыканкама, і Эльвіра Аляксееўна Сарока, член Савета Рэспублікі Нацыянальнага сходу Рэспублікі Беларусь. З 12 навучэнцаў па выніках конкурсных заданняў "Партфоліа", эсэ "Пра тую вясну...", "Візітная картка" ў абласны этап выйшлі тры пераможцы, сярод якіх наша навучэнка 10 класа Радаслава Жытко. Віншуем з заслужанай перамогай! 

У год якасці ў рамках месячніка грамадзянска-патрыятычнага выхавання навучэнцы 11 класа сабраліся за круглым сталом на класную гадзіну "Патрыятызм. Грамадзянскасць. Абавязак". У цэнтры ўвагі старшакласнікаў былі такія паняцці, як вернасць Айчыне, павага да гістарычнага мінулага краіны, гонар за сваю краіну, гісторыю і культурную спадчыну. Напрыканцы сустрэчы юнакі і дзяўчаты запоўнілі ліст самаацэнкі "Мая грамадзянскасць і патрыятызм вызначаецца..."