"Спартыўны калейдаскоп"

У рамках Дня здароўя ў 6-ы школьны дзень з навучэнцамі пачатковай школы праведзена мерапрыемства "Спартыўны калейдаскоп".
Праграма гэтага мерапрыемства была насычанай. Камандам былі прапанаваны займальныя конкурсы з бегам, скачкамі, эстафеты з мячамі, кеглямі і абручамі, дзе яны змаглі праявіць свае спартыўныя здольнасці і навыкі. Рабяты спаборнічалі ў хуткасці, спрыту, уменні працаваць у камандзе. Спартыўны запал і жаданне дабіцца перамогі для сваёй каманды захоплівалі дзяцей настолькі, што яны не заўважалі таго, што адбываецца вакол. Усе стараліся з усіх сіл прыйсці да фінішу першымі. На пры канцы мерапрыемства ўсе рабяты атрамылі салодкія прызы. Праведзенае мерапрыемства згуртавала хлопчыкаў і дзяўчынак, яны адчулі сябе сапраўдным калектывам, вялікай адзінай сям'ёй!