Экскурсія ў Брэсцкую крэпасць

Любіць сваю Радзіму так, каб аддаць за яе сваё жыццё,  – такі ўрок патрыятызму і чалавечнасці атрымалі нашы вучні на экскурсіі ў Брэсцкай крэпасці. У год 80-годдзя Вялікай Перамогі   вучні 5 і 6 класаў наведалі велічны  мемарыяльны комплекс.  Дзяцей уразілі  архітэктурна-скульптурныя ансамблі  “Мужнасць”,  “Смага”,  плошча Цырыманіялаў, тры рады мемарыяльных пліт з пахаваннямі загінуўшых, руіны і ўцалеўшыя збудаванні крэпасці.  Музей Абароны Брэсцкай крэпасці не пакінуў раўнадушным ні аднаго вучня, аповед  экскурсавода слухалі  ўважліва, задавалі пытанні.  Хлопчыкі і дзяўчынкі ўшанавалі памяць абаронцаў крэпасці хвілінай маўчання.