Дзень ведаў
02.09.2024
Дзень ведаў здаўна стаў сімвалам новых адкрыццяў, добрых спраў і смелых эксперыментаў. Гэта ўрачысты дзень для вучняў, бацькоў, настаўнікаў, а найперш - для першакласнікаў. Менавіта для іх, першакласнікаў, упершыню прагучыць першы школьны званок.
Наша школа ганарыцца сваімі вучнямі - таленавітымі, разумнымі, выхаванымі. Настаўнікі не толькі даюць сваім выхаванцам веды, але і вучаць іх жыццёвай грамаце, перадаюць ім свой вопыт, сваю мудрасць.
2 верасня Нягневіцкая сярэдняя школа гасцінна расчыніла дзверы для сваіх вучняў.
На ўрачыстай лінейцы да вучняў, іх бацькоў і педагогаў звярнулася дырэктар школы Шолк Юлія Эдуардаўна, госці свята: галоўны спецыяліст упраўлення адукацыі Навагрудскага райвыканкама Мігаль В.М., старшыня Нягневіцкага сельвыканкама Макрушыч А.Г., выконваючы абавязкі старшыні СВК "Нягневічы" Каляда А.М., настаяцель Нягневіцкай Свята-Казанскай царквы іерэй Аляксей Варона.
